СІМ ақпаратына сәйкес, кіші комитеттің жұмысына ҚР энергетика және минералды ресурстар министрінің орынбасары Болат Ақшолақов басқарған өкілдер қатысты. Ал Қытай өкілдерін даму және реформалар істері жөніндегі мемлекеттік комитеті төрағасының орынбасары Чжан Гобао басқарды.
Отырыс барысында тараптар энергетика саласындағы екі жақты ынтымақтастықты дамыту мәселелерін талқылады. Әсіресе Қазақстан-Қытай мұнай құбырының Атасу мен Алашанькоу арасындағы бірінші кезегінің пайдалануға берілу мәселесі баса айтылды. Сондай-ақ, мұнай құбырының Кеңқияқ-Құмкөл арасындағы екінші кезегін салуға қолдау көрсетілмек. Тараптар мұнай мен газды терең өңдеу және мұнайхимиясы өнеркәсібін дамыту саласындағы ынтымақтастықтың мүмкіндіктерін бірлесе зерттеуге уағдаласты.
Отырыс қорытындысы бойынша хаттамаға қол қойылды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
