Қазақстан мен Ресейді өзара жақындастырудың бір маңызды факторы екі елдің ұлттық экономикаларын дамыту жолдарындағы ұқсастық болмақ- президент Путин

"Біз бұдан былай да Қазақстан-Ресей қарым-қатынасын теңдік принципіне негіздей дамытып, ТМД, ЕурАзЭҚ және ШЫҰ аясындағы ортақ күш-жігерді нығайта бермек ниеттеміз",- деді Ресей президенті. Ол осы орайда таяуда Астанада өткен келіссөздер барысында "мемлекетаралық және компаниялар деңгейіндегі келісім-шарттардың үлкен топтамасына қол қойылғанын" тағы бір еске салды. "Біз Қазақстан мен Ресей арасындағы байланыстарды барлық салада тереңдете түсуге айрықша маңыз береміз",- деді В.Путин. Екі жақты іскерлік ынтымақтастықтың басымдық берілетін бағыттары арасынан В.Путин жылу-энергетика саласы, жаңа технологияларды дамыту, ғарыш кеңістігін бейбіт мақсатта пайдалануды атады. "Біз шекаралық ынтымақтастық және шекаралық аумақтарды дамыту мәселелерін бірлесіп шеше аламыз",- дейді Ресей президенті. В.Путин "Жуырда ғана мәреден шыққан Қазақстандағы Ресей жылы екі бауырлас халық арасындағы сан ғасырлық достық тарихындағы тағы бір жарқын белес болады" дегенге сенім білдірді.