Қазақстан мен Түрікменстан арасында Каспийдің табанын бөлісу туралы келіссөздердің бірінші раунды Ашгабадта өтеді

Қ.Әбусеитовтың айтуынша, Каспийдің табанын секторларға бөлу туралы өз көзқарастарын теңізді қоршай орналасқан мемлекеттер қазіргі жағдаймен толық дәйектеп үлгерді. Алайда тараптар бөлісу әдістемесін қолдану тұрғысында өзара ортақ мәмілеге келе алмай отыр. ҚР СІМ-нің мәліметіне жүгінсек, Қазақстан, Ресей, Әзербайжан және Түрікменстан мемлекеттері жаппай мойындалған халықаралық құқық принциптеріне бағына отырып теңіз табанын модификациялық орта сызық арқылы бөлісуді ұсынса, Иран жағы Каспий теңізі табанының 20 проценті өз үлесіне тиетіндей басқаша бөліс принципін ұсынып отыр,- деді Қ.Әбусеитов.

«Таяудағы ахуал қазіргіден мүлдем басқаша болғанына қарамастан Қазақстан жағы ұсынған бөліс әдістемесі принципін Каспийді қоршаған мемлекеттердің басым бөлігі қолдады»,- деп мәлімдеген вице-министр теңіздің табанын бөлісуде аймақтағы жекелеген мемлекеттер Қазақстаннан өзгеше пікір ұстанғанын жеткізді.
«Каспий теңізі табанының солтүстік бөлігін өзара бөлісу туралы Қазақстан Республикасы мен Ресей Федерациясы арасындағы келісімнің 1998-жылдың 6-маусымында қабылдануы және оның бекітілуі , соның нәтижесінде Қазақстанның өзіне қарасты секторда минералды шикізат өндіру құқығының заңдастырылуы Каспий төңірегіндегі мемлекеттердің осы мәселеге байланысты ұстанымын айқындауда маңызды роль атқарды «, — деп санайды ҚР сыртқы істер министрінің бірінші орынбасары .
«Қазақстан мен Ресей тиімді мұнай кеніштерін игеруге қаржы тарту үшін инвесторларға жағдай жасаудың , соның ішінде бірінші кезекте олар салған қаржыға халықаралық-құқықтық кепілдік берудің жеткілікті екенін дәлелдеп берді»,- деп атап көрсетті Қ.Әбусеитов.