Кеңес барысында ақпараттық-коммуникациялық технологияны (АКТ) және «Электронды үкіметті» (ЭҮ) дамытудың әлемдік көрсеткіштері қаралды.
ҚР Ақпараттандыру және байланыс агенттігінің төрағасы Қуанышбек Есекеевтің айтуынша, «аталған жүйені қолдану Қазақстанда нәтижеге және әлеуметтік-экономикалық тиімділікке анағұрлым бағдарланған «Электронды үкіметті» дамыту бағдарламасын іске асыруға мүмкіндік береді».
Сонымен қатар, Қ. Есекеев бұл жеке жобаларға инвестиця тарту үшін, сондай-ақ осы заманғы әлемде Қазақстанның бәсекелестігіне ықпал ететін сапалы экономикалық негіздеме әзірлеуге мүмкіндік туғызатынын атап өтті.
Бұдан басқа, Қазақстанда ақпараттық-коммуникациялық технологияны және «Электронды үкіметті» дамыту жөнінде жедел және сенімді мәліметтер алу үшін АКТ және ЭҮ дамыту және жағдайын бағалау әдістемесі мен көрсеткіштер жүйесін әзірлеу жөніндегі іс-шаралар қарастырылғаны атап өтілді.
АКТ және ЭҮ дамыту және жағдайын бағалау әдістемесі мен көрсеткіштер жүйесін қалыптастыру жөніндегі жұмыстарды атқару Экономика және бюджеттік жоспарлау министрлігіне берілетін болды.
Ақпараттық-коммуникациялық технология бойынша мәліметтер жинақтауды ұйымдастыруды ҚР Статистика агенттігі жүзеге асырады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті