Қазақстан және Ресей президенттері Мәскеу кездесуінде бірқатар екі жақты құжаттарға қол қояды. Олардың арасындағы ең маңыздысы — ұзындығы 7,5 мың шақырымды құрайтын Ресей-Қазақстан мемлекеттік шекара учаскесін делимитациялау туралы келісім болмақ. Бұл құжатқа 2004-жылдың аяғында қол қою жоспарланған болатын.
KZ-today тілшісіне мәлім болғанындай, құжатқа қол қою мерзімінің кешеуілдеуіне Қазақстан мен Ресей арасындағы шекара сызығын делимитациялау барысында анықталған есепке алынбаған жер учаскелерінің аумақтық бағыныштылығын айқындау түрткі болған.
Сонымен бірге екі мелмекет басшысы бұл кездесуде «Байқоңыр» ғарыш айлағын пайдалану барысында қоршаған ортаны қорғау туралы келісімге қол қояды.
Бұған қоса екі күндік сапар барысында Нұрсұлтан Назарбаев Ресейлік БАҚ басшыларымен кездеседі деп күтілуде.
- $ 514.74
- € 599.36
Алматы
- РУС
- ҚАЗ
2025 Жыл
9 Желтоқсан
