Қазақстан президенті Австрияның бұрынғы федералдық канцлері Враницкийді "Достық" орденімен марапаттады

Қазақстан президенті Нұрсұлтан Назарбаев Австрияның бұрынғы федералдық канцлері Франц Враницкийді І дәрежелі "Достық" орденімен марапаттау туралы Жарлыққа қол қойды. Бұл туралы KZ-today тілшісіне ҚР президенті әкімшілігінің баспасөз қызметінен хабарлады.

Жарлықта атап көрсетілгеніндей, Ф.Враницкий Қазақстан және Австрия халықтары арасындағы достық пен ынтымақтастықты нығайтуға бағытталған жемісті еңбегі үшін «Достық» орденімен марапатталып отыр.