Қазақстан президенті Болгариялық әріптесін Ұлттық мерекемен құттықтады

Қазақстан Республикасының Болгариядағы дипломатиялық миссиясының істерін уақытша атқарушы Тимур Оразаев Болгария президенті Георгий Пырвановқа Қазақстан президенті Нұрсұлтан Назарбаевтың Болгарияның Ұлттық мерекесіне орай жолдаған құттықтауын жеткізді. Бұл туралы KZ-today тілшісіне ҚР СІМ-нің баспасөз қызметінен хабарлады.

Сұхбат барысында Т.Оразаев Болгария мемлекет басшысына Н.Назарбаевтың таяудағы Қазақстан халқына арнаған жолдауы ел ішіндегі алдағы реформалардың бағдарламалық құжаты екенін хабарлады. Болгария президентіне жолдаудың толық мәтіні табыс етілді.

Өз тарапынан Г.Пырванов Н.Назарбаевқа экономикалық және саяси реформалар ісінде табыс тілеп, Қазақстан президентін Болгарияға сапармен келіп қайтуға шақырды.