Қазақстан психикалық және мінез-құлық ауытқуына ұшыраған 287 мың 545 науқас тіркелген

Бұл туралы бүгін, 5-маусымда Алматыда басталған «Психиатрия мен наркологияның өзекті мәселелері» тақырыбындағы халықаралық ғылыми-тәжірибелік конференцияда

ҚР денсаулық сақтау министрлігінің бас психиатры Наиля Измаилова хабарлады.
«Кәсіби дәрігерлер мен арнайы психиатриялық кабинеттер саны Қазақстанда өте баяу өсіп келеді»,- деді ҚР денсаулық сақтау министрлігінің бас психиатры.
Атап айтсақ, 2000-жылы Қазақстанда 36 психотерапевтік кабинет пен 48 психотерапевт дәрігер тіркелсе, 2002-жылы кабинеттер саны 46-ға, арнаулы категориялы дәрігерлер саны 58-ге дейін өскен.
Н.Измаилованың айтуынша, психотерапияның Қазақстандағы ең өзекті мәселесіне дәрігерлердің мүлдем қорғалмауы жатады.
«1992-жылдан 2002-жылдар аралығында Қазақстан Республикасында психиатриялық көмек саласында 50-ден астам құқықтық заң актілері қабылданды. Соның нәтижесінде психикалық ауытқуға шылдыққан науқастардың құқығы заңда жан-жақты қорғалды. Алайда оларда психиатр дәрігерлердің құқығына қатысты бір де бір пункт жоқ, сол себепті осы саладағы заң актілеріне өзгерту енгізіп, дәрігерлер құқығын қорғау керек»,- дейді Н.Измаилова.