Қазақстан Қарашығанақ жобасынан 10 пайыз үлес алу жөніндегі мәмілеге қол қоюы ықтимал

«Олар түгелдей (КРО акционерлері — «ИФ-Қ») Қазақстан Республикасының он пайыз үлеспен қатысуына келісім берді, бес пайыз тегін, қалған бес пайыз нарықтық баға бойынша», деді ол.

Оның айтуынша, бүгінде консорциум акционерлері Қазақстан үкіметіне қол жеткізілген келісімдерді бекітетін меморандумның жобасын берді.
Меморандум шеңберінде консорциум акционерлері жоба бойынша жұмсалатын ақшаға үкімет тарапынан бақылаудың жүргізілуіне келіседі.
Дереккөздің айтуынша, КРО акционерлері өз тарапынан алдында қол қойылған өнімді бөлісу туралы келісімнің тұрақтылығын растауды талап етеді. Ендігі бір маңызды шартқа орай олар салықтан басқа 2010 жылдың 1-қаңтарына дейін Қазақстан үкіметі қойған бүкіл кінәраттардың алынып тасталуын талап етуде.
Оның айтуынша, бұл меморандумға Қазақстан үкіметі және КРО акционерлері жуық арада қол қоймақ, содан кейін оның базасында күзге қарай тараптар арасында сәйкесті келісімге қол қойылатын болады.