Қазақстан қор биржасында теңгенің долларға шаққандағы орташа бағамы 127,93 теңгені құрады

АЛМАТЫ. 3-қараша. Kazakhstan Today. Бүгін, жұмада Қазақстан қор биржасында (KASE) теңгенің орташа бағамы бейсенбідегі көрсеткішпен салыстырғанда 0,06 теңгеге арзандап, бір долларға шаққанда 127,93 теңгені құрады.

Жұмада АҚШ доллары бойынша Қазақстан қор биржасындағы сауда-саттық көлемі 512,310 миллион долларды құрады. Ал бейсенбіде АҚШ валютасы бойынша сауда көлемі 300,235 млн. долларды құраған болатын.