Қазақстан Қорғаныс министрлігінің 2009-2011 жылдарға арналған Стратегиялық жоспарының тұсаукесері өтті

"Осы оқиғаға байланысты еліміздің қорғаныс министрі Даниал Ахметовпен және штаб бастықтары комитетінің басшылық құрамымен кездесуге Қазақстан президентінің кеңесшісі - ҚР Қауіпсіздік кеңесінің хатшысы Қайырбек Сүлейменов қорғаныс министрлігіне келді", -деп хабарлайды баспасөз қызметі. "Стратегиялық жоспардың тұсаукесерін қорғаныс министрінің бірінші орынбасары - ҚР Қорғаныс министрлігінің штаб бастықтары комитетінің төрағасы, армия генералы Мұхтар Алтынбаев жасап, әскери мекеменің алдағы үш жылға арналған мақсаттары мен міндеттерін таныстырды", -деп нақтылайды мекеме. ҚР Қауіпсіздік кеңесінің хатшысы мен әскери мекеме басшылығының кездесуі Кавказдағы грузин-осетин шиеленісінің барысы мен зардаптарына жасалған талдауды ескере отырып әскерлердің жауынгерлік дайындығын көтеру шараларын талқылаумен жалғасын тапты. "Бұл тақырып бойынша қорғаныс министрінің орынбасары генерал-лейтенант Болат Жаңасаев баяндама жасады", -деп хабарлайды баспасөз қызметі. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті