Футзалдан Қазақстан ұлттық құрамасы 2020 жылғы әлем чемпионатының негізгі іріктеу кезеңі аясындағы алғашқы кездесуін өткізді, деп хабарлайды Prosports.kz.
Қазақстан құрамасы 5 топта Албания, Нидерланд және Румыния футзалшыларымен күш сынасады. Бүгін алғашқы ойынын Албанияға қарсы өткізді.
Румынияның Пьятра-Нямц қаласында өткен матч 4:0 есебімен Қазақстан құрамасының пайдасына шешілді.
Әлем чемпионаты. Іріктеу. Негізгі кезең. 5-топ
Қазақстан — Албания — 4:0 (1:0)
Гол соққандар: Акбаликов 5:15, Тайнан 25:19, Дуглас Жуниор 30:18, Тұрсағұлов 36:41
Кака шәкірттері келесі ойынын ертең, 24 қазанда Нидерланд құрамасына қарсы өткізеді.
