Қазақстан Шри-Ланкаға бидай экспорттай алады - ҚР Премьер-Министрі

Қазақстан Шри-Ланкаға бидай экспорттай алады. Бұл туралы бүгін Астанадағы «Rixos» қонақ үйінде өтіп жатқан Қазақстан-Шри-Ланка бизнес форумы барысында сөз сөйлеген ҚР Үкімет басшысы Серік Ахметов мәлім етті.

«Қазақстан әлемнің ірі бидай экспорттаушы елдерінің ондығына кіреді. Сонымен қатар, біздің еліміз бүгінгі таңда әлемнің 70-тен астам мемлекетіне астық жеткізіп отыр. Ал алдағы маркетингтік жылы біз шамамен 12 млн. тоннаға дейін астық экспортын жоспарлаған болатынбыз. Бұл ретте айта кетерлігі, біз Шри-Ланкаға астық экспорты бойынша мүмкіндіктерді қарауға дайынбыз», - деді форум барысында сөз сөйлеген Серік Ахметов. Естеріңізге сала кетейік, Астанадағы бизнес-форум Шри-Ланка Социалистік Демократиялық Республикасының Президенті Махинда Раджапаксаның Қазақстанға мемлекеттік сапары аясында өтуде.

Әріптестер жаңалығы

Пікір қалдырыңыз