Қазақстан Ташкентте болған жарылыстарды айыптайды және лаңкестікке қарсы күресте Өзбекстанмен күш біріктіруге дайын - ҚР СІМ

Қазақстан адамдардың құрбан болуына апарып соққан Ташкенттегі жарылыстарды айыптайды және Өзбекстан Республикасы басшылығының ел ішіндегі бейбітшілік пен тыныштықты қамтамасыз етуге бағытталған күш-жігеріне қолдау білдіреді. ҚР Сыртқы істер министрі Қасымжомарт Тоқаев осындай мәлімдеме жасады, деп хабарлайды ҚР СІМ-нің баспасөз қызметінен.

Қ.Тоқаевтың айтуынша, Қазақстан Орталық Азия аймағындағы қауіпсіздікті нығайту мақсатымен халықаралық лаңкестікке және аймақтық экстремизмге қарсы күресте Өзбекстанмен күш біріктіруге дайын екенін білдіреді.

Бұдан бұрын да хабарлағанымыздай, 30-шілде күні Ташкенттегі АҚШ және Израиль елшіліктерінің жаны мен республика жоғарғы сотының ғимаратында жанкешті лаңкестер жарылыс жасаған. Соның салдарынан 3 адам мерт боып, 8 адам жараланды.