«Мен үкімет басшысы кеңесінің жетекшісі қызметіне Ғабидулла Әбдірахымовты тағайындау туралы бұйрыққа қол қойдым. Ол Мемлекеттік қызмет істері агенттігін басқарғанын баршаңыз білесіз», — деді Кәрім Мәсімов.
Бұдан бұрын да хабарлағанымыздай, Ғабидулла Әбдірахымов 1975 жылы дүниеге келген. Қазақ Мемлекеттік Аграрлық университеті мен Неміс мемлекеттік басқару жоғарғы мектебін бітірген. Мамандығы — экономист-бухгалтер, Мемлекеттік әкімшілік ету магистрі дәрежесіне ие.
Еңбек жолын Қазақ Мемлекеттік Аграрлық университетінде жәрдемші болып бастаған.
1999 жылдан бастап Қазақстан Республикасының Мемлекеттік қызмет істері агенттігінде әртүрлі қызметтерде жұмыс істеді.
2008 жылдың қаңтар айынан бастап Қазақстан Республикасының Мемлекеттік қызмет істері агенттігінің төрағасы.
2006 жылы «Құрмет» орденімен марапатталған, Қазақстан Республикасы президентінің «Болашақ» халықаралық стипендиясы түлектері ассоциациясының президенті.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
