Жарияланды: 450

Қазақстан жер сілкінісінен зардап шеккен Иранға қайырымдылық көмек көрсетеді

Қазақстан қуатты жер сілкінісінен зардап шеккен Иран Ислам Республикасына қайырымдылық көмек көрсетеді. Бұл туралы бүгін, 29-желтоқсанда Астанада үкімет отырысын ашқан ҚР үкімет басшысы Даниал Ахметов хабарлады.

"Иран Ислам Республикасында болған қайғылы оқиғаға байланысты қайырымдылық көмек көрсету туралы мемлекет басшысы тапсырма берді",- деді үкімет басшысы. Осыған байланысты Д.Ахметов ҚР төтенше жағдайлар жөніндегі Агенттігі, мемлекеттік материалдық резервтер жөніндегі Агенттігі, ҚР денсаулық сақтау және ҚР ауылшаруашылығы министрліктеріне "Иран Ислам Республикасына қайырымдылық көмек көрсетуге байланысты ұсыныстарды екі күн ішінде енгізу" жайында тапсырма берді. Бұдан бұрын да хабарлағанымыздай, 26-желтоқсанда Иран аумағында Рихтер өлшемі бойынша 6 баллдық жер сілкінісі болып, соның салдарынан Бам деп аталатын ежелгі қала толықтай дерлік қирап қалған болатын. Зілзаладан бірнеше ондаған мың адам қаза тапты.

Пікір қалдырыңыз

Пікір қалдыру тіркелген пайдаланушылар ғана мүмкін