«ҚР ІІМ жанындағы Есірткі саудасымен күрес комитеті ағымдағы жылдың 10 айында 21 тоннадан астам есірткі, соның ішінде 316 килограмм героинді заңсыз айналымнан шығарды. Тәкіленген героин көлемі өткен жылғымен салыстырғанда 3 есе өсті», — деді А. Исағалиев.
Оның айтуынша, «есірткіге қатысты 47 қылмыс жасаған ұйымдасқан 7 қылмыстық топ жойылды. Оның екеуінің мүшесі түрлі мерзімге бас бостандықтарынан айрылды. Ең төменгі мерзім — 12 жыл. Үш ұйымдасқан қылмыстық топ бойынша істерді сот қарауда, ал екеуі бойынша тергеу жүргізіліп жатыр».
«Жыл басынан бері ішкі істер органдарында есірткі сататын 620 орын тіркеуде болып, 514-і жойылды. Ағымдағы жылдың 10 айында Есірткі саудасымен күрес комитеті есірткіге қатысты 8 мың қылмыстың бетін ашты, оның 3884-і есірткі сату дерегіне қатысты болса, 191 дерек — есірткі контрабандасына, 123 дерек — құрамында есірткісі бар өсімдіктерді заңсыз өсіруге қатысты. Қазақстан бұрынғыдай есірткі транзиті жүзеге асырылатын ел қалпында қалып отыр «,-деді комитет төрағасы.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
