Республиканың тек оңтүстік және оңтүстік-шығыс аймақтарында жауын-шашынсыз күн райы күтіледі, деп хабарлайды Қазгидрометке сілтеме жасаған ТЖМ-нің баспасөз қызметінен.
Алматы облысындағы Жалаңашкөл аумағында жел 15-20 м/с күшейіп, оның екпіні 25 м/с дейін жетуі ықтимал.
Шығыс Қазақстан облысының кей жерлерінде жаяу бұрқасын күтіледі, түнде және таңеертең тұман түседі, күндіз 15-20 м/с дейін жететін екпінді жел соғады, Жарма ауданында желдің күші 23-28 м/с дейін жетуі мүмкін.
Жамбыл, Қызылорда облыстарының кейбір жерлерінде тұман түседі.
Ақмола, Солтүстік Қазақстан облыстарында кейбір жерлерде бұрқасын болып, күндіз жел күшінің 15-20 м/с дейін жетуі ықтимал.
Маңғыстау, Ақтөбе облыстарының кейбір жерлерінде тұман түсіп, көктайғақ болады, Маңғыстау облысында күндіз желдің күші 15-20 м/с дейін жетуі мүмкін.
Атырау облысының кейбір жерлерінде тұман түсіп, көктайғақ болады, күндіз жел күшейіп, бұрқасындатады.
Қостанай облысының кейбір жерлерінде бұрқасын болып, түнде және таңертең тұман түседі.
Батыс Қазақстан облысының кейбір жерлерінде көктайғақ болады.
Жақын тәуліктерде республиканың жекелеген таулы өзендерінде мұз құбылыстарымен түсіндірілетін су деңгейінің ауытқулары байқалады. Қазақстанның қалған су нысандарында гидрологиялық режимде айтарлықтай өзгерістер күтілмейді.