Алматы қалалық әкімдігінің баспасөз қызметінің ақпаратына сәйкес, 2008 жылғы 1 қазан күні Алматы қаласының Түрксіб ауданында «Қарт адам айлығы» басталады. Бір ай ішінде осы мәселеге орай түрлі шаралар өтетін болады. Айлықты ұйымдастырушы — Түрксіб ауданының әкімдігі, соғыс ардагерлері мен зейнеткерлердің аудандық кеңесі.
Ауданның барлық еңбек коллективтері мен жұртшылғы қарт адамдарға құрмет көрсетіп, оларды ардақтайтын болады. Өйкені, олардың әрқайсысы — өз кезегінде аудан мен Алматы қаласының өсіп- өркендеуіне өзіндік үлестерін қосқан абзал жандар.
Барлық шараларға Түрксіб ауданының әкімі В.Устюгов, оның орынбасарлары, ауданның қызмет көрсету салалары мен мекемелерінің басшылары, қоғамдық ұйымдардың өкілдері қатысатын болады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
