Қазақстанда діни "Е-ислам" сайты болады

деп хабарлады ведомство жетекшісінің орынбасары Ғалым Шойкин. "Қазіргі уақытта халықтың, әсіресе жастардың интернет арқылы дін мәселелеріне қызығушылық танытып отырғандығы үдеріске айналуда. Өкінішке орай, бүгінде интернет-кеңістікте халық арасында ксенофобия мен экстремизмді дамытуға ықпал етуші ақпараттық ресурстар аз емес. Осы орайда елбасының тапсырмасына орай біздің агенттік "Е-ислам" интернет-порталын құруды ұсынып отыр", деді ол Астанада сәрсенбіде интернет арқылы халықтың діни сауаттылығын арттыру мәселелеріне арналған стол басындағы әңгіме барысында. Ғ.Шойкин атап өткендей, "Е-ислам" бірыңғай интернет-сайт болмақ, халық сол арқылы өзінің танымдық және рухани-діни қажеттілігін қанағаттандыра алатын болады. Ғ.Шойкиннің айтуынша, бұл сайтты келесі жылы ашу көзделген.