ТЖМ ақпаратына сәйкес, Алматы қаласының Түріксіб ауданында Белинский мен Рысқұлов даңғылының қиылысында 29 қыркүйекте сағат 23.20-да «Мерседес» көлігінің жүргізушісі 31 жастағы жаяу жүргіншіні қағып кету салдарынан ол оқиға орнында қаза тапты.
Алматының Жетісу ауданы Қарасу ауылында 29 қыркүйекте сағат 19.28-де «МАН» және «Москвич» көліктері соқтығысты.
Апат салдарынан «Москвич» көлігінде отырған 32 жастағы әйел мен 2 және 6 жастағы екі бала ауруханаға жатқызылды.
Алматы облысының Қапшағай қаласында Алматы — Бақанас тас жолының 70-ші шақырымында 28 қыркүйекте сағат 14.00-де «Мазда» көлігінің жүргізушісі көлігін аударып алды.
Апат салдарынан көлікте отырған 19 жастағы бозбала оқиға орнында қаза тауып, тағы екі жолаушы ауруханаға жатқызылды.
Шығыс Қазақстан облысының Аягөз ауданы Аягөз қаласында Алматы — Өскемен тас жолының 791-ші шақырымында 29 қыркүйекте сағат 00.00-де «Лэндровер» көлігі мен «Мицубиси» соқтығысыты.
Апат салдарынан «Мицубиси» көлігінде отырған 53 жастағы әйел мен 56 жастағы ер адам оқиға орнында қаза тапты; «Мицубиси» көлігінің жүргізушісі мен бір жолаушысы және «Лендровер» көлігінде отырған бір жолаушы ауруханаға жатқызылды.
Шығыс Қазақстан облысының Глубоковский ауданында Өскемен — Риддер тас жолының 46-шы шақырымында 29 қыркүйекте сағат 09.00-де «ВАЗ-2106» жүргізушісі — 41 жастағы ер адам көлігін аударып алды.
Апат салдарынан 83 жастағы кеуана мен жүргізуші оқиға орнында жан тапсырды; бір жолаушы ауруханаға жеткізілді.
Жамбыл облысының Байзақ ауданында Алматы — Ташкент тас жолының 476-шы шақырымында 28 қыркүйекте сағат 19.00-де «Сетра» автобусының жүргізушісі 48 жастағы Өдбекстан азаматын қағып кетті, ол оқиға орнында қаза тапты.
Жамбыл облысының Қордай ауданында Алматы — Ташкент тас жолының 147-ші шақырымында 29 қыркүйекте сағат 20.00-де екі «Тойота» көлігі соқтығысты.
Апат салдарынан 54 жастағы жүргізуші мен 50 жастағы әйел оқиға орнында қаза тапты; векінші жүргізуші — 35 жастағы ер адам мен оның жолаушылары — 32 жастағы әйел мен 12 жастағы бала ауруханаға жатқызылды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
