Қазақстанда құқық қорғау органдарын аттестаттау жыл сайын өткізілмек

Қазақстанда құқық қорғау органдарының жеке құрамын аттестаттау жыл сайын өтпек, ал арнайы бөлімше оны жылына екі рет өтеді, деп президент әкімшілігінің құқық қорғау жүйесі бөлімінің меңгерушісі Алик Ішпекбаев мәлімдеді.

«Егер бізде кезектен тыс аттестаттау арасында 3 жыл белгіленсе, бұдан былай аттестаттау жыл сайын өткізілетін болады. «Сұңқар», «Бүркіт», «Арлан» секілді жекелеген арнайы бөлімшелер үшін жарты жылға дейін жасауымызға болады», — деп А.Ішпекбаев бүгін Астанада орталық коммуникациялар қызметінің қысқаша баспасөз мәслихатында атап көрсетті.

Сонымен қатар, ол жекелеген ведомство немесе құқық қорғау органдарының бөлімшесі кезектен тыс аттестациядан өтуі мүмкін екенін айтады.