Қазақстандағы кедейлік шегінің көрсеткіші дұрыс емес - БҰҰ Даму бағдарламасының Қазақстандағы тұрақты өкілі

ҚР еңбек және халықты әлеуметтік қорғау министрлігі республикадағы кедейлік шегінің көрсеткішін қайта қарауы тиіс. Бүгін, 5-шілдеде еліміздің жоғары оқу орындарының оқытушыларына арналған "Адам дамуы" тақырыбы бойынша Астанада өткен көшпелі семинар барысында БҰҰ Даму бағдарламасының Қазақстандағы тұрақты өкілі Фикрет Акчура осындай пікір білдірді,- деп хабарлайды KZ-today тілшісі.

«Қазіргі жағдаймен ең төменгі күнкөріс шегінің 40 процентін құрайтын ресми белгіленген кедейлік шегінің көрсеткіші дұрыс емес»,- деді Ф.Акчура. Оның айтуынша, «ең төменгі күнкөріс деңгейі адам тіршілік етуден қалатын ең төменгі деңгейді көрсетуі тиіс». Осыған байланысты «кедейлік шегі бұл деңгейдің 40 процентін құрауға тиіс емес, керісінше, ол төменгі күнкөріс деңгейінен жоғары болуы тиіс»,- деді БҰҰ Даму бағдарламасының өкілі.

«Қазір біз ҚР еңбек және халықты әлеуметтік қорғау министрлігімен бірлесе отырып Қазақстандағы кедейлік көрсеткіштерін қайтадан қарап жатырмыз»,- деді Ф.Акчура.