Мемлекет басшысының пікірінше, Қазақстан экономикасының бағдарламалық деңгейден оза дамуы құжаттағы көрсеткіштерді қайтадан қарауға нақты негіз болып отыр.
«Қазіргі жетістіктерге сәйкес дамудың жаңаша кезеңі басталып, бұрынғыдан да биік міндеттер алға қойылуда»,- деді президент. «Біз ел экономикасыынң ауқымын 2010-жылы екі есе арттыруды көздеген едік. Менің ойымша, біз оған 2007-жылдың аяғында қол жеткізе аламыз»,- деді Н.Назарбаев. Сонымен бірге Елбасының пікірінше, экономика ауқымын 2015-жылға дейін 3,5 есе өсіру жөніндегі межеге де ертерек қол жеткізіледі.
Қазақстан қазір алға қойып отырған басты мақсат — дүниежүзіндегі алдыңғы қатарлы бәсекелестік қабілетке ие 50 мемлекеттің, сондай-ақ, әлемнің ең алпауыт 20 елінің санатына қосылу екенін еске салды. Елбасы 90-шы жылдардың басында Қазақстан БҰҰ-ына мүше елдердің арасында бәсекелестік қабілеті тұрғысынан 109-шы орында болғанын атап өтті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
