Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
2018 жылдан бастап мансабын аяқтаған чемпион бокстан Солтүстік Қазақстан олимпиадалық резерв спорт мектебін басқарады.
Өткен жылдың соңында сыбайлас жемқорлыққа қарсы іс-қимыл қызметкерлері мекеменің бас есепшісін 24 миллион теңгені жымқырды деген күдікпен ұстады. Ол жалақысын көтеріп, тоғыз жыл ішінде ай сайын сыйқақы жазып отырды.
Әйел алты жарым жылға сотталды. Іс барысында мектеп директоры Жанат Жақиянов өзінің ЭЦҚ кілтін есепшіге бергені анықталды, бұл өрескел бұзушылық болып отыр.
Атақты спортшыға қызметтік міндеттерін тиісінше орындамағаны және қарамағындағыларға ведомстволық бақылаудың болмағаны үшін қатаң ескерту жасалды.
«Абдрахманов пен Жақияновтың бюджет ақшасын жымқыруиісіне қатысты болғаны және олардың электрондық цифрлық қолтаңбасын бас бухгалтер өз бетінше қолданғаны сенімді түрде анықталды», — деді Солтүстік Қазақстан облысы бойынша сыбайлас жемқорлыққа қарсы қызметтің бастығы Ернар Баянғазин.