69 келіге дейінгі салмақта бақ сынайтын отандасымыз қос жаттығу нәтижесі бойынша 335 келі (148+187) көтерді. Екінші орынды КХДР спортшысы (331 келі) иеленсе, үшінші орын қытайлық ауыратлетке (325 келі) бұйырды. 21 жастағы Альберт Линдер — Талдықорған қаласының тумасы. 2013 жылы жасөспірімдер арасындағы әлем чемпионатында жеңімпаз атанған. Араға бір жыл сала ересектер арасындағы әлем чемпионатына қатысып, 10-орын алған болатын. Ашхабадтағы Азия чемпионатын "KazSport" арнасы тікелей эфирде көрсетті.
