13 шілдеде салтанатты Гала-концерт өтіп, Бақтияр Адамжан мен финалға шыққандар конкурс репертуарынан номерлер ұсынды. Конкурс күндері отандасымыз Стамбұл сахнасында «Дон Кихот», «Баядерка», «Париж жалыны» сияқты классикалық балеттерді орындады. Сонымен қатар, Бақтияр Сиязбек Уәлибековтің «Менің бөлігім» және Исян Чжанның «Ояну» атты екі заманауи номерді орындады. Конкурстық бағдарламаның төрт классикалық вариациясын дайындаумен «Астана Опера» балеттік труппасының көркемдік жетекшісі, Ресейдің халық әртісі Алтынай Асылмұратова мен педагог-репетитор, Ресейдің еңбек сіңірген әртісі Константин Заклинский айналысты.
