Қазақстандық шекарашылар 2,8 кило героинмен Қырғызстанның екі азаматын ұстады

Жамбыл облысындағы "Мерке-Железнодорожный" шекаралық бекетінде Қазақстандық шекарашылар 2 кило 830 грамм героинмен Қырғызстан азаматтары болып табылатын екі әйелді ұстады. Бұл туралы ҚР ҰҚК Шекара қызметінің баспасөз қызметі бүгін, 12-қаңтарда таратқан хабарламада айтылған.

Баспасөз қызметінің ақпаратына сәйкес, салмағы 1 кило 415 грамды құрайтын бірінші есірткі партиясы бір күдіктінің жадағайының капюшоны мен бас киімінен шықты. Ал екінші партия грек жаңғағының қабығына жасырылыпты. Бұл партияның салмағы 0,5 килоны құрады. Сондай-ақ, ірімшік батоны мен кофенің ыдысынан да есірткі табылды.