Қазақстандық спортшы Мая Манеза әлем біріншілігінде жаңа рекорд орнатты

63 келі салмақта сынға түскен отандасымыз жұлқа көтеруде 105 келіні көтерді. Ал серпе көтеруде ол 143 келіні бағындырып, жаңа әлем рекордын орнатты. Манеза жалпы есепте өзінен кейін тұрған қарсыласынан 7 келі озық шықты. Оның басты қарсыласы түрік қызы Сибель Симсек жұлқа көтеруде Маядан 6 келі артық көтерген еді. Серпе көтеруде қазақстандық спортшыға ілесе алмаған ол күміс жүлдені қанағат тұтты. Ал қола жүлде қытайлық Юань Сяофанға бұйырды. Ол Симсекпен бірдей көрсеткішке ие болғанмен (241 келі), өз салмағының артықтығы оны 3-ші орынға түсірді.

Қазақстандық Мая Манеза жаңа рекордсмен болумен қатар, осымен екінші рет әлем чемпионы атанып отыр.