Қазақстандық тәртіп сақшылары 3 кило героинді заңсыз айналымнан шығарды

ҚР ІІМ органдары екі күн ішінде Қазақстан аумағы арқылы 3 кило героин алып өтуге әрекет жасаған екі есірткі тасушыны ұстады. Бұл туралы KZ-today тілшісіне ҚР ІІМ-нің баспасөз қызметінен бүгін, 18-мамырда хабарлады.

17-мамырда Астана станциясы Желілік ішкі істер бөлімінің есірткі саудасымен күрес бөлімінің қызметкерлері Астана-Киев поезының жолаушысын ұстады. Алматыда бір ЖШС-ін басқаратын тұрғыннан тінту кезінде 2,04 кило героин тәркіленді.

Ал 16-мамырда Алматы-1 станциясының Желілік ішкі істер бөлімінің есірткі саудасымен күрес бөлімінің қызметкерлері Алматы-Новосибирск поезының жолаушысын тұтқындады. 55 жастағы Қазақстан азаматы 1,011 кило героин алып өтуге әрекет жасаған.
Бұл деректер бойынша қылмыстық істер қозғалды.