Қазақстандық волейболшылар «Вьетнам телеарнасы кубогы» турнирінде бесінші орын алды

Александр Гутор жаттықтыратын Қазақстан құрамасы онда 5-орын алды. Олар топтық кезеңде КХДР мен Тайланд құрамаларын ұтқанымен, жапондықтардан ұтылған болатын. 5-8 орын болған сында Австралия волейболшыларынан басым түсіп, 5-орын үшін болған сайыста тайландтықтарды сүріндірді. Ал ақтық сында кездескен Жапония мен КХДР спортшылары арасындағы кездесу 3:0 есебімен аяқталды. Жарыс қорытындысы бойынша Жапония бірінші, КХДР екінші, Оңтүстік Кореяның «ІВК» командасы үшінші, Вьетнам төртінші, Қазақстан бесінші, Тайланд алтыншы, Австалия жетінші, ал Қытайдың «Jiangsu» командасы сегізінші орын алды.