Жарыстар басталар алдында семинар өтіп, онда Жапония мен Ресейден шақырылған төрешілер қатысушыларға сайыс ерекшеліктерін тағы бір мәрте түсіндіріп өтті. Биыл турнирге Ресейдің, Израиль мен Қырғызстанның спортшылары келді. Украина командасы да жарысқа қатысуы тиіс болатын, бірақ соңғы сәтте олар үйде қалуды жөн санады.
Алдын ала айқасудан кейін финалға жарыс иелері мен Израильден келген қонақтар шықты, оңайға соқпаған ақтық жекпе-жектен кейін жеңіс қазақстандықтарға бұйырды. Екінші орын израильдіктерде, үшінші орынды Қырғызстан мен Ресей бөлісті.
Кендо — бұл семсерді меңгерудің дәстүрлі самурайлық техникасына негізделген жапондық семсерлесу өнері. «Семсер жолы» ретінде аударылады және қазіргі уақытта спорттың бір түрі болып саналады.
