Турнирдің бірінші айналымдағы матчында 25 жастағы жерлесіміз Я. Шведова кортта 18 жастағы Германия өкілі Анника Бекпен бақ сынасқан. WTA рейтингінде 28-ші орында тұрған Я. Шведова 71-ші орындағы Анника Бектен айласын асыра алмады.
Ойынның сетін сәтсіз бастаған жерлесіміз тек екі геймде ғана ұтып, партияны 2:6 есебімен аяқтаған. Екінші сет аса тартысты өтіп, партиядағы жеңімпазды анықтау үшін тай-брейк беріліп, онда Шведова қарсыласын 9:7 есебімен жеңген еді. Ал шешуші кезеңді салмақты бастаған Қазақстанның бірінші ракеткасы бастапқыда айқын басымдылық танытқанымен, оны ойын аяғына дейін ұстап тұра алмады. Есеп 6:3 — неміс ракеткасы Анника Бектың пайдасында.
