Қазақстанның демократиялық күштерін үйлестіру кеңесінің төрағасы болып Жармахан Тұяқбай сайланды

ҚР парламенті мәжілісінің бұрынғы төрағасы Жармахан Тұяқбай Қазақстан демократиялық күштерін үйлестіру кеңесінің төрағасы болып сайланды. Бұл туралы бүгін, 7-желтоқсанда Қазақстанның демократиялық күштерін үйлестіру кеңесі таратқан мәлімдемеде айтылған.

«6-желтоқсанда, Шідертіде Қазақстанның Демократиялық таңдауы партиясының жетекшісі Ғалымжан Жақияновтың басшылығымен өткен көшпелі отырысында кеңес төрағалыққа Жармахан Тұяқбайды бір дауыстан сайлады» ,- делінген мәлімдемеде.

«Дағдарыстан шығу , толыққанды саяси диалог орнату үшін» кеңес «демократиялық оппозиция мен ел президенті арасында» тікелей келіссөздер жүргізу арқылы бірқатар мәселені талқылауды ұсынады.