Баспасөз қызметінің хабарлауынша, кездесу барысында екі министр мәдениет және өнер қайраткерлерімен тұрақты алмасып отыру, қазақтандық студенттерді Австрияның музыкалық білім беру мекемелерінде оқыту, Австрияда Қазақстанның Мәдениет күндерін өткізу мәселелерін талқылады. Сонымен бірге тараптар Астанада Вена балын өткізу, екі ел үкіметтері арасында мәдениет пен өнер саласындағы ынтымақтастық туралы келісімге қол қою мәселелерін қарады.
Кездесу қорытындысы бойынша тараптар қол жеткізілген уағдаластықтарды жүзеге асыру және Қазақстан мен Австрия арасындағы мәдени-гуманитарлық ынтымақтастықты одан әрі дамыту жолдарын айқындау үшін екі министрлік арасында тұрақты байланыс орнатуға келісті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті