Жәйрем кентіндегі шулы оқиғаның себепкері халықтан кешірім сұрады.
Қарағанды облысына қарасты Жәйрем кентінің аумағында салынып жатқан полиметалл зауытының құрылысында жұмыс жасап жүрген егде жастағы түрік азаматы қазақ қызының жалаңаш суретін желіге жүктеген. Ол осы қылығы үшін қазақстандықтардан кешірім сұрады деп жазады Qamshy.kz ақпарат агенттігі.
Түрік азаматының жоғарыда аталған қылығына ашынған қазақ жігіттері бірнеше шетелдікті соққыға жығып, түріктердің елден кетуін талап еткен болатын. Артынша оқиға орнына аймақ басшысы барып, жағдай біршама тынышталды.