"Қазақтелеком" ААҚ мен "Сименс" АҚ арасындағы келісім-шартына қол қою еліміздің телекоммуникация саласын халықарлық нормаларға сәйкестендіруге жағдай жасайды

Бүгін, 4-желтоқсанда "Қазақтелеком" ААҚ мен "Сименс" АҚ арасында коммуникациялық жабдықтар мен монтаждау және құрастыру қызметтерін сату туралы жоба бойынша өзара келісім-шартына қол қою телекоммуникация саласы мамандарына бүкіл Қазақстан аумағы бойынша халықаралық нормаларға сәйкес жұмыс істеуге мүмкіндік береді ,- деп мәлімдеді KZ-today тілшісіне берген сұхбатында "Қазақтелеком" ААҚ-ның президенті Әбен Бектасов.

Оның айтуынша, аталмыш жоба аясында сатып алынған құрал-жабдықтар Ақтөбеде орнатылады. Ә.Бектасов келісім-шартының құнын атаудан бас тартты. Оның айтуынша, «бұл құпия ақпарат болмақ». Сондай-ақ, компания президенті аталмыш жобаны қаржыландыруға арналған қаржыны «Қазақтелеком» «отандық банктердің бірінде ашылған несиелік желі арқылы бағыттамақ ниетте»,- деп атап көрсетті.