Қазақтсан президенті әлемге атағы әйгілі "Эсте Лаудер" концернінің төрағасын қабылдады

«Өз басым Қазақстанға осымен екінші мәрте келіп отырмын, осы елде жүзеге асыруға жоспарлаған бірнеше жобамыз бар. Бірақ президент Нұрсұлтан Назарбаевпен кездесуде біз негізінен Қазақстан туралы әңгіме қозғадық»,- деді кәсіпкер Елбасымен кездесуден кейін. Р.Лаудердің айтуынша, Қазақстан — дәстүрге бай ел. Алайда дүниежүзінде Қазақстанды көбінесе мұнай және газға байланысты ғана жақсы біледі. Дейтұрғанмен, таңғажайып мәдениеті бар Қазақстанда жақсы бизнес те жасауға болады»,-деді қонақ. Осы орайда «Қазақстандық әйелдердің мақтауын жеткізіп, сұлулығына тамсанған» американдық бизнесмен оларға өздері өндіретін әсемдік-әрлік бұйымдардың қажеттігі туралы сауал тастады.

Бүгінде «Эсте Лаудер» концерні әлемдік косметика рыногінің 46 процентін иемденеді. Батыстық беделді басылымдардың бағалауынша, Р.Лаудердің билігіндегі жалпы капитал көлемі бүгінде 7 млрд-тан астам долларды құрайды екен.
Сондай-ақ, Р.Лаудер коммуникациялық RSL компаниясымен бірге дүниежүзіндегі ірі еврейлер қорын басқарады.