Андрей Хван, «Wake Up» би тобының жетекшісі:
— Өнер иесін сахнаға, ең бастысы биге дайындаймыз. Сондай-ақ, вокал жағынан да әзірлік жүргіземіз. Нақты айтқанда, «Wake Up» шығармашылық мектеп студиясын ашудамыз.
Топтың әр мүшесі бимен кемі 10 жылдан бері кәсіби айналысқан. Бастапқыда құрамы 5 хореографтан жасақталған болатын. Бірақ соңғы екі жылдан бері «Wake Up» деген атпен, шоу-бизнеске енуде. Мәселен, бишілер Қайрат Нұртас, Luina, «Кешью», «ORDA» сынды белді әнші топтармен бірлесіп, сахналық қойылымдарға, клиптерге және ірі телевизиялық жобаларға қатысып келеді. Топ қимыл-қозғалысы заманауи икемге негізделген кез келген бағытта жұмыс істейді.