Сөйтсе, тау тұлғаның аты-жөні мен жетістіктері жазылған маңдайшаның ғайып болғанына бір аптадан асыпты. Қырғыздың тәртіп сақшылары қазір тергеу жүргізіп жатыр. Екі рет Кеңес одағының батыры атанған Талғат Бигелдиновке Бішкекте көзінің тірісінде ескерткіш орнатылуы бекер емес. Қазіргі Ақмола облысының Майбалақ ауылында дүниеге келген азаматтың аталары ашаршылық жылдары Қордай асып, қырғыз жеріне қоныстаныпты. Талғат Бигелдинов осы Бішкектегі ұшқыштар даярлайтын мектепте білім алып, кейін Ресейдің маңдайалды институттарында оқуын жалғастырған. Ал 1942 жылы майданға жіберіледі. Ерен ерлік жасап, аты аңызға айналған майдангердің жасы қазір 90-нан асты.