Қазгидромет Алматы, Қарағанды және Шығыс Қазақстан облыстарында күн суытады деп ескертеді

Қазгидромет РМК Алматы, Қарағанды және Шығыс Қазақстан облыстарында 1-қазанда түнде қатқақ болады деп ескертеді. Бұл туралы KZ-today тілшісіне ҚР төтенше жағдайлар жөніндегі Агенттігі 29-қыркүйекте хабарлады.

1-қазанда түнде Алматы облысында сынап бағанасы 1-6 градус суықтықты көрсетеді, ал 2-қазанда кей жерлерде суық ұрады деп күтілуде. Ал Қарағанды, Шығыс Қазақстан облыстыранда 1-қазанда түнде ауаның температурасы 0-7 градусқа дейін, ал 2-қазанда кей жерлерде 0-5 градусқа дейін төмендейді деп күтілуде.