ҚазТранОйлдың акцияларын сатып алуға 10 мың өтініш түсті

"ҚазТранОйл" АҚ-ның акцияларын сатып алуға қазақстандықтардан 5,7 млрд теңге сомасына шамамен 10 мың өтініш түсті, акциялар мемлекеттік "Халықтық IPO" бағдарламасы шеңберінде орналастырылатын болады, деп хабарлады мемлекеттік "Самұрық-Қазына" қорының баспасөз қызметінен.

Ақпаратқа қарағанда, 26-қарашаға шаққанда «Қазпочта» АҚ арқылы 16 200 брокерлік есеп-шот ашылған және 1,4 млрд теңге сомасына ҚазТрансОйлдың жай акцияларын сатып алуға жеке тұлғалардан 4 688 өтініш қабылданған.

Өтініштер 6-қарашадан бастап қабылдануда, инвесторлар үшін жазылу 2012 жылы 5-желтоқсан күні аяқталады.