ҚазТрансГаз компаниясының жаңа жетекшісі тағайындалды

"ҚазТрансГаз" АҚ-ның бас директоры болып бұған дейін компанияның күрделі құрылыс жөніндегі бас директорының орынбасары қызметін атқарып келген Серік Сұлтанғалиев тағайындалды. Бұл туралы KZ-today тілшісіне "ҚазМұнайГаз" ҰК"АҚ баспасөз қызметінен хабарлады.

2002-жылдан бері «ҚазТрансГаз» АҚ-ның бас директоры қызметін Абай Садықов атқарып келді.

С.Сұлтанғалиев 2004-жылдың мамыр айында «ҚазТрансГаз»АҚ бас директорының орынбасары болып тағайындалғанға дейін «Айсель Қазақстан» құрылыс компаниясында жұмыс істеген.
«ҚазТрансГаз» АҚ — табиғи газды барлау, игеру, өндіру, өңдеу, тасымалдау және сатуды жүзеге асыратын тік интеграцияланған холдингтік компания болып табылады. «ҚазТрансГаз» компаниялары тобына Қазақстанда және шетелдерде жұмыс істейтін 12 еншілес және тәуелді ұйымдар енеді.