ҚазТрансГаздың бұрынғы басшысы Ақтөбе облысы әкімінің орынбасары болып тағайындалды

"ҚазТрансГаз" АҚ-ның бұрынғы бас директоры Абай Садықов Ақтөбе облысы әкімінің орынбасары болып тағайындалды. Осындай шешімге облыс әкімі Елеусін Сағындықов қол қойды,- деп хабарлайды KZ-today тілшісі облыс әкімінің баспасөз қызметіне сілтеме жасай отырып.

А.Садықов 1969-жылы Оңтүстік Қазақстан облысында туған. Әл-Фараби атындағы Қазақ Мемлекеттік университетінің заңгерлік факультеті мен банк ісінің жоғарғы мектебін бітірген. «Қазақойл ҰМК» ЖАҚ, «Қазақстанның Халықтық жинақ банкі» ААҚ тәрізді компанияларда басқарушы лауазымдар атқарған. «ҚазТрансОйл» АҚ-ның бас директоры болды. 2002-жылдың қыркүйек айы мен 2005-жылдың ортасына дейін «ҚазТрансГаз» АҚ-ның бас директоры болды.

KZ-today тілшісіне облыс әкімінің баспасөз қызметінен хабарлағанындай, А.Садықов коммуналдық сала, жылу-энергетикасы кешені, құрылыс, көлік және жолдарға қатысты мәселелерді жауаптанатын болады.