Қазтрансойл 34 687 қазақстандық азаматтың өтінішін қанағаттандырды

"Қазтрансойл" АҚ халықтық IPO бағдарламасы шеңберінде ұсынылған 38 463 559 жай акция алуға қатысты 34 687 өтінішті қанағаттандырды, деп хабарлады компанияның баспасөз қызметінен.

Бір акцияның құны 725 теңге, жалпы алғанда 27 млрд 886 млн 80,275 мың теңге сомасына берілген өтініштер қанағаттандырылды.

Қабылданған өтініштер реестріне қарағанда, олардың жалпы сомасы 59 408 943 975 теңгені құрады, оның ішінде Қазақстан азаматтарынан 34 676 өтініш, жинақтаушы зейнетақы қорларынан түскені 10 өтініш және маркет-мейкерден бір өтініш.