Қолхатпен бостандыққа жіберілген полицей үкім шығарда із суытқан

Алматыда қызмет бабын асыра пайдаланған полицейлердің бірі бүгін сот залына келмей қалды. Тәртіп сақшысы ешқайда кетпеу туралы қолхатпен жүрген болатын. Сондықтан Еркін Ыдырысовқа бүгін іздеу жарияланды.

Десе де сот жазықсыз жанды сабап, жасамаған қылмысын мойындатқысы келген басқа сақшыларға қатысты үкімін шығарды. Жәбірленушіні ұрып- соққан екі жедел уәкіл Азат Захаров пен Берік Салихаров 5 жылға бас босандықтарынан айырылса, сотқа келмей қашып жүрген тергеуші Еркін Ыдырысовқа сырттай 6 жыл кесілді. Ал қызметкерлерінің қылмысына көз жұма қараған криминалдық полиция бөлімі бастығының орынбасары Жігер Ұзақбеков 2 жылға сотталды. Естеріңізге сала кетейік, оқиға биыл маусым айында болған. Банктен ақша жымқырған алаяқтардың сыбайласысың деп бейнүнә азаматты полицейлер бөлімше ішінде соққыға жығыпты.