Барлық аймақтан 258 спортшы қатысқан ел чемпионаты 10 салмақ дәрежесінде жүлделерді сарапқа салды.
Аталмыш сында грек-рим күресінен жасөспірімдер құрамасының аға жаттықтырушысы Қанат Көбегенов жетекшілік жасаған қызылордалық балуандар үстіміздегі жылғы 9-15 маусым аралығында Үндістанның астанасы Нью-Делиде өтетін Азия чемпионатына жолдама алды. Есімдерін айтсақ, №17 Қазалы ауданындағы олимпиадалық резервтің мамандандырылған балалар менжасөспірімдер мектебінен Бағдат Үсенов 76 келіде Қазақстан чемпионы атанса, Жалаңтөс Баһадүр атындағы облыстық спортта дарынды балаларға арналған мектеп-интернатының оқушысы Нұрбақыт Әзелхан 42 келіде күміс жүлдені иеленді. Бұл туралы облыстық дене шынықтыру және спорт басқармасының баспасөз қызметі хабарлады.
