Қырғызгидрометтің басшысы Зарылбек Итибаев Бішкектегі +60 градустан асқан аптап ыстықты Қазақстанның Қостанай облысымен салыстыра түсіндірді. Бұл туралы Sputnik Қырғызстан жазды.
Оның айтуынша, 8 шілде күні Қырғызстанның оңтүстігінде күн түсетін жерлерде +60…+64 градус, ал көлеңкеде +40 градус болған. Ал Бішкекте ауа температурасы 64 градустан жоғарылаған. Итибаев 9, 10, 11 шілдеде ел астанасында температура +60 градустан жоғары болатынын атап өтті.
"Аптап бізде ғана емес. Мысалы, 8 шілдеде Қазақстанның Қостанай облысында ашық жерлерде ауа 68-70 градусқа дейін қызды", — деп мәлімдеді Итибаев.
Қырғызгидрометтің мәліметінше, Қырғызстандағы аптап ыстық 20 шілдеге дейін басылмайды.