Қостанайда бес жасар қызды зорлаған қылмыскерге жаза кесілді

Қостанай ауданаралық мамандандырылған сотында Ульяновка кентінің тұрғыны Владимир Вильгельмге қатысты қылмыстық іс бойынша жаза белгіленді. Ол бес жасар қыз баланы зорлап, оны өлтірген. Сот процесі жабық түрде өтті. Қылмыскер кінәсін толықтай мойындап, өзіне ең ауыр жаза беруді сұраған. Судья Айжан Құлбаева оны Қылмыстық кодекстің 120, 121 және 96-шы баптары бойынша кінәлі деп таныды. Ол қатаң режимдегі колонияға 22 жылға кесілді.