ҚР арнаулы қызметтері Қазақстан аумағын лаңкестер өткелек ретінде пайдаланды деген ақпарды жан-жақты тексеруде

ҚР арнаулы қызметтері Қазақстан аумағы "жекелеген лаңкестерді Өзбекстаннан Ақтау мен Баку арқылы Ауғанстандағы дайындық лагерьлеріне жөнелтетін өткелек ретінде пайдаланылды" деген ақпардың ақиқаттығын тексеруде. Бұл туралы бүгін, 10-қыркүйекте ҚР парламенті сенатының халықаралық істер, қауіпсіздік және қорғаныс жөніндегі комитетінің кеңейтілген отырысында ҚР ҰҚК төрағасының бірінші орынбасары Владимир Божко хабарлады.

Оның айтуынша, бұл ақпаратты еліміздің арнаулы қызметтері өзбек әріптестерімен бірлесе тексеріп жатыр.

Журналистерге берген сұхбатында В.Божконың атап көрсетуінше, «бұл жерде әңгіме Қазақстан аумағы арқылы асырылған 3-4 адам туралы болып отыр». «Қазір біз осы дерек бойынша бірнеше қылмыстық с қозғап, соның шеңберінде ақпаратты тексеріп жатырмыз. Тергеу аяқталғаннан кейін егжей-тегжейлі ақпарат жария етіледі»,- деді ол.
«ҚР ҰҚК лаңкестік іс-шараларға немесе шабуылдарға қатысып, қазір Қазақстанда емделіп немесе жасырынып жатыр-мыс делінген адамдар туралы ақпаратты жан-жақты тектеп-тексеріп жатыр»,- деді В.Божко. Бұл мәселелерді біз ТМД елдерінің арнаулы қызметтерімен ықпалдастық негізінде тексерудеміз, деді ол. «Біз келіп түскен әрбір ірілі-ұсақты дабылды үлкен белсенділікпен тексеріп, жоғары маңыз береміз»,- деді ҚР ҰҚК төрағасының бірінші орынбасары.